عيل زى اى عيل

لا مش انا ( هو صحيح انا عيل بس انا مش بتكلم عن نفسى )

انا بتكلم عن العيل دا

اللى فى الصوره دى ( مش عارف ليه عمال اخد الصور من صوت من مصر ) ( ماتزعلش يا باشا )

كام واحد فى بلدنا زى الواد دا

وليه وايه الحل .

ليه دايما بننسى وفى الاخر لما بتقى الحقيقه ملت الرمل اللى احنا حاطين دماغنا فيه نقول دى بقت ظاهره وبردو ما نعملش حاجه ؟

ابنى بيتك من الرخام

كلنا سمعنا عن مشروع ابنى بيتك

مشروع جميل و كويس وابن حلال وكلنا استبشرنا فيه خير وقولنا الحكومه اخيرا ربنا تاب عليها من المشى البطال وهتمشى عدل

بس الحكومه بقى

ماهتعرفش تمشى عدل

قالايه بدل المقايسات القديمه لا لازم تمعل اليبت من انواع معينه من الرخام ومقاسات معينه

قال ايه مافيش اسمنت ولا حديد وابنى انت بقى او بمعنى اصح اتصرف

واللى عايز يعرف اكتر يتفرج على البيت بيتك يوم السبت ( لو كنت لسا بتشوف التليفزيون المصرى )

سلام يا حكومه

التعلب فات فات وفى ديله سبع امتحانات

والله هما مش فى ديلى هما زى ما تقولوا كا كانوا على دماغى

ماهو الباشا اللى هو انا كنت مفضيها حب

ولا وايه وكل شلوت وشلوت كنت باخده كان بيبقى محترم اكتر من اللى قبليه

بس اعمل ايه واحد بيحب على روحه

هبقى احكيلكوا بعدبن بس المشكله ان انا مش لاقى حاجه اكتبها عن المشاكل اللى فى مصر قولت اكتب عن نفسى

( الا يا يورى هو انتا بتكلم مين ماهو محدش بيخش عندك هنا اصلا ) - ( يا عم خليك متفاءل بكره هيبقى فيه ناس )

قولت اكتب عن الشبع امتحانات وتوابعهم

اولا بعيد عنكو وعن السامعين انشاء الله كدا انا قصتى مع التعيلم بالإداره المصريه حكايه

انا عديت على تقريبا 5 كليات

عدوا معايا كدا

هندسه ودى مدخلتهاش اصلا لانها كانت اسيوط باين

رحت قالب على علوم ورميت الورق بردوا فى فنون تطبيفيه وكنت مقدم فى فنيه عسكريه

ورسيت على تجاره بعد صراع طويل مع المرض اسمه كليه العلوم ( سنتين )

المهم انا دفعتى اتخرجت السنه اللى فاتت وانا لسا فى سنا 3 بإذن الله

يلا هبقى احكيلكوا بكره بقى