تحذير أخيييييييييييييير
اكتشفت انى بتسرق ، مواضيعى بتتسرق بوست بوست بالترتيب ، وبنفس الصيغة بكل حاجة .. اقسم بالله اللى هكتشف انه سرق منى موضوع وناسبه لنفسه يومه وليلته هيبقوا اسود من الاسفلت اللى لسة معمول .. بصوا بقى ماحدش يفتكرنى مش هعرف انا عندى هواية اعمل سيرش جوجل عن مواضيعى وانا بالى طويل .. اقسم بالله ممكن اخلى الموقع كله يتقفل بأمر من جهة امنية عليا وانا قد كلمتى .. داكور يا فيزتور ؟
الكلام دا انا لقيته مكتوب فى وش اللى داخل عند بنوته لاسعه
مش واخدين بالكو من حاجه
انا والله مش بتريق ولا حاجه ولا بهرج لكن لو شلنا كلام مثلا زى بوست , مواضيعى , سيرش , جوجل كدا يعنى وحطينا كام كلمه كدا
زى الكهربا , الميه , هجيبه هجيبه , البوليس لا ينام , هنلاقى الحكومه بتكلم المواطن الغليان اللى هو احنا
او لو حطينا براحتك , هنعملك تخفيض على الكهربا , هنلاقى الحكومه بتكلم كبار المستثمرين اللى هنا فى البلد
يعنى براحه شويه يا بنوته انا صحيح شوفت كام بوست ليكى عند ناس تانيه بس براحه شويه يعنى الواحد هربان من نفسه ومن الحكومه هنا هيلاقيكى جيباهم لنا هنا كمان
بس من حقها تعمل كدا لان انا فعلا مش بضحك ولا بحس ان انا لازم افكر الا عندها فى المدونه
هناك تعليق واحد:
يورى عايزة اقولك انى لقيت البوست دا بالصدفة وانا بعمل سيرش جوجل عنى ههههههههههههههههه
اه وربنا
المهم والله لو عرفت اللى حصل لى هتعزرنى
انا لقيت واحدة بتسرق مواضيعى بالترتيب وتقول عليها انها (( من بنات افكارها )) دا حتى تصميماتى واخداها وحطاها توقيع باسم اللى كنت عامل له التوقيع اهداء يعنى تخيل يزعل منى قد ايه لو لقى الهدية اللى المفروض ليه
مع حد تانى ؟؟
وبلاقيها بتردد افكارى زى البغبغان وهى مش فاهمة حاجة
يورى انا اكتشفت ان كتاباتى بتتسرق من 2005 تخيل ؟!!
اعتقد كده كفاية استووووووويت
إرسال تعليق